"Amerika prezidenti Donald Trampın Qüdsü İsraliin paytaxtı kimi tanımağa dair qərarı dəlilikdir, Fələstin İsrail ilə danışıqlarda ABŞ-ın vasitəçiliyindən imtina edir.
Xezerxeber.az "RİA Novosti"yə istinadən xəbər verir ki, bunu Fələstin dövlətinin Rusiyadakı səfiri Əbdül Hafiz Nofəl deyib.
"Bu andan etibarən, biz fələstinlilər olaraq, sülh prosesinin irəliləməsi işində ABŞ-ın vasitəçilik missiyasından imtina edirik. Yeni dövr başlayır, biz ABŞ-ın bu mövqeyini tamamilə rədd edirik və hüquqlarımıza riayət olunmasına nail olmaq niyyətindəyik",- deyə o bildirib.