Gürcüstanın keçmiş prezidenti və
Odessanın sabiq qubernatoru Mixail Saakaşvili Ukraynaya qanunsuz
yollarla qayıtmaq istəmədiyini bildirib.
XəzərXəbər TASS-a istinadən xəbər verir ki, bu barədə Ukrayna vətəndaşlığından
çıxarılan Saakaşvili Varşavada keçirilən mətbuat konfransında deyib.
"Mənim üçün komfortlu səyahət yoxdur. Amma buna maşının yük yerində
getmək daxil deyil. Mən Ukraynaya geri dönəcəyəm. Ancaq bu legal
yollarla, qanuni şəkildə olacaq” .
Saakaşvilinin sözlərinə görə, o, hazırda hüquqi bazanın öyrənilməsi və
yeni təkliflər barədə düşünür. Yalnız hazırlıqlar başa çatdırdan sonra
Saakaşvili Ukraynaya dönəcəyini vurğulayıb.
"Hökumət milyonlarla ukraynalının fikirini iqnor edə bilməz. Mən Ukraynanın Avropa
nəhəngi olmasını istəyirəm. Bu, olacaq və mən də həmin zaman bunu
Ukraynanın bir parçası olaraq qarşılayacağam" - Saakaşvili deyib.