Ukraynanın İvano-Frankovsk vilayətində yerləşən "Syayvo Karpat” sağlamlıq və istirahət kompleksində dincələn 13 əcnəbi qida zəhərlənməsindən xəstəxanaya yerləşdirilib. AZƏRTAC yerli mətbuata istinadən xəbər verir ki, bu barədə Ukraynanın Dövlət Epideomoloji Xidmətin İvano-Frankovsk vilayəti üzrə laboratoriyasının müdiri Ruslan Savçuk məlumat verib.
Onun sözlərinə görə, zəhərlənən 13 nəfərdən 7-si uşaqdır. Onlardan beşi Almaniya, altısı Polşa, ikisi isə Ukrayna vətəndaşıdır. Hazırda onların vəziyyəti orta-ağır qiymətləndirilir.
Hazırda sanatoriyada araşdırmalar aparılır. Orada 80 nəfərə yaxın insan istirahət edir.