Terrorçular Türkiyə artilleriyasının zərbələrindən sonra Afrindən geri çəkilib

20.02.2018 20:17

Türkiyə ordusunun açdığı xəbərdarlıq atəşindən sonra YPG kürd silahlı dəstələri Afrindən geri çəkilib.

Xezerxeber.az-ın "Anadolu”ya istinadən verdiyi xəbərə görə, Türkiyə artilleriya qüvvələrinin zərbələrinə tuş gələn kürd silahlı dəstələri Afrinin 10 kilometrliyində dayandırılıb.
Bundan əvvəl bəzi KİV-lər Suriya ordusu və YPG arasında əldə olunmuş sövdələşməyə əsasən, hökumət qüvvələrinin yaxın günlərdə Afrində və Türkiyə ilə sərhəd ərazilərdə bir neçə mövqeni nəzarətə götürmək niyyətində olduğunu bildirmişdi.
Ötən gün Suriyanın SANA dövlət xəbər agentliyi "Suriya Xalq Qüvvələri”nin yaxın saatlarda Afrinə daxil ola biləcəyini bildirmişdi. Daha sonra Türkiyə prezidenti Rəcəb Tayyip Ərdoğan apardığı danışıqlardan sonra Suriya hökumət qüvvələrinin Afrinə doğru irəliləməsini dayandırdığını bildirmişdi.
Türkiyə baş nazirinin müavini Bəkir Bozdaq isə Suriya ordusunun Afrinə daxil olmaq planına dair iddiaların həqiqətə uyğun olmadığını bildirib.

© xezerxeber.az


836 dəfə oxunub

XƏBƏRLƏR

ÇOX OXUNANLAR