Dünyada koronavirusdan 572 min 280 nəfər ölüb

13.07.2020 18:57

Dünyada COVID-19 infeksiyasına yoluxanların sayı 13 milyon nəfəri ötüb.

Xezerxeber.az-ın pandemiyanın statistikasını aparan Worldometer saytına istinadla xəbər verir ki, iyulun 12-də dünyada daha 194 min 696 nəfər koronavirusa yoluxub, 3 min 956 nəfər vəfat edib.

Saytın Bakı vaxtı ilə bu gün saat 16:50-yə olan məlumatına əsasən, indiyədək dünyada koronavirus infeksiyasına 13 milyon 65 min 260 yoluxma və 572 min 280 ölüm faktı qeydə alınıb. Eyni zamanda, 7 milyon 612 min 396 nəfər COVID-19 xəstəliyindən sağalıb, müalicəsi davam edən 4 milyon 880 mindən çox xəstədən 58 min 689-nun vəziyyəti ağır qiymətləndirilir.

Ötən sutka ərzində ən çox yoluxma halı ABŞ-da qeydə alınıb - 58 min 349 nəfər. Beləliklə, Birləşmiş Ştatlarda COVID-19 infeksiyasına yoluxanların sayı 3 milyon 414 mini keçib. Bu göstəriciyə görə sonrakı yeri Braziliya tutur - 1 milyon 866 min 176 nəfər. İyulun 12-də 29 min 108 yoluxma halının aşkarlandığı Hindistanda bu rəqəm 879 min 466 nəfərə çatıb. Rusiyada 727 min 162, Peruda 326 min 326, Çilidə isə 315 min 41 nəfər COVID-19 infeksiyasına yoluxub.

ABŞ koronavirusdan ölənlərin sayına görə də dünyada birinci yerdədir – 137 min 782 nəfər. İlk beşliyə daxil olan Braziliyada 72 min 151, Birləşmiş Krallıqda 44 min 819, İtaliyada 34 min 954, Meksikada isə 34 min 730 nəfər koronavirus səbəbindən həyatını itirib.

Son vaxtlar COVID-19 infeksiyasından sağalanlara nisbətdə ölənlərin sayında mütəmadi azalma müşahidə edilir. Hazırda bu göstərici 7,01 faizdir.

Qeyd edək ki, Çin hökuməti 2019-cu il dekabrın 31-də ölkənin mərkəzi hissəsində yerləşən Hubey əyalətinin Uxan şəhərində naməlum pnevmoniyanın yayılmağa başladığı barədə Ümumdünya Səhiyyə Təşkilatını məlumatlandırıb. Mütəxəssislər xəstəliyə yeni koronavirusun səbəb olduğunu müəyyənləşdirib. Martın 11-də infeksiyasının yayılması pandemiya elan edilib.

© xezerxeber.az


239 dəfə oxunub

XƏBƏRLƏR

ÇOX OXUNANLAR