Ukrayna Türkiyədən 12 pilotsuz uçuş aparatı alacaq

12.01.2019 15:55

Ukrayna Prezidenti Petro Poroşenko Türkiyədən 12 pilotsuz uçuş aparatı (PUA) alınması haqqında sazişi imzalayıb.

Xezerxeber.az xəbər verir ki bu barədə Anadolu agentliyi məlumat yayıb.

"Prezident Rəcəb Tayyib Ərdoğanla razılaşdığımız kimi, Ukrayna ordusu üçün Türkiyənin Bayraktar TV2 pilotsuz uçuş aparatlarının satın alınmasına dair saziş imzalanıb”, - Poroşenko şənbə günü özünün Facebook səhifəsində belə yazıb. Dövlət başçısının sözlərinə görə, bu müqavilə Ukrayna və Türkiyə arasında hərbi-texniki əməkdaşlıq üzrə tədbirlərin bir hissəsidir.

Bayraktar TV2 Türkiyənin özəl kompaniyaları tərəfindən işlənib hazırlanmış kəşfiyyat uçuş aparatıdır. Türk proqram və elektron təminatı ilə təchiz olunmuş PUA-nın maksimal uçuş kütləsi 650 kiloqram təşkil edir.

© xezerxeber.az

FOTOQALERIYA






87 dəfə oxunub

XƏBƏRLƏR

ÇOX OXUNANLAR