Bakı
31 C
USD
EUR
1.7000
1.9944
RUB
GBP
0.0271
2.2843
XƏBƏR
ARXİVİ

Trampın qərarı ABŞ-ı qarışdırdı, minlərlə insan etiraza qalxdı

09.11.2018 14:07

Amerikalılar prezident Donald Trampın müstəqil prokuror Robert Muellerin davam etdirdiyi "Rusiyanın ABŞ-dakı seçkilərə müdaxiləsinə dair” istintaqa icazə verməsi tələbilə küçələrə axışıblar.

XəzərXəbər xəbər verir ki, "heç kim hüquqdan üstün deyil” şüarı ilə bir çox ştatda keçirilən etiraz aksiyalarının ən böyüyü Nyu-Yorkda olub.


Minlərlə etirazçı "Times” meydanından "Muellerin üzərindən əllərinizi çəkin” şüarı ilə "Union” meydanına hərəkət ediblər. Onlar "Konstitusiyanı qoruyun!” "Muelleri qoruyun!” "Trump/Pence getməlidir”, "Tramp hüquqdan artıq deyil” yazılmış plakatlar açıblar.


Bundan başqa, etirazçılar ABŞ-dakı aralıq seçkilərindən sonra keçirilən mətbuat konfransında prezident Donald Trampla mübahisə edən CNN-nin jurnalisti Jim Acostanın "Ağ Ev”ə akkreditasiyasının ləğv olunmasına "Mətbuatı sərbəst buraxın” şüarı ilə etiraz ediblər.

Qeyd edək ki, etirazları şiddətləndirən əsas səbəb daha öncə "Rusiyanın ABŞ-dakı seçkilərə müdaxiləsinə dair” istintaqdan çəkilən ədliyə naziri Jeff Sessionsun Trampın istəyi ilə vəzifəsindən istefa etməsi və onun səlahiyyətlərini müvəqqəti icra edən Matthew Whitakerin istintaqın miqyasının azaldılmasına dair çağırışı olub.


Digər bir amil isə məsələyə dair Trampın tutduğu mövqe hesab olunur. Belə ki, Tramp ötən gün istintaqdan istədiyi zaman imtina edə biləcəyini açıqlayıb: "Bunu etmək istəmirəm. Çünki nəyisə dayandırmağı sevmirəm. Bu istintaq xəcalətvericidir. Fikrimcə, heç başlamamalı idi. Çünki ortada hər hansı bir cinayət yoxdur”./azvision.az

© xezerxeber.az


68 dəfə oxunub

XƏBƏRLƏR

ÇOX OXUNANLAR