Tramp Çin prezidentini `beynəlxalq səviyyəli qumarbaz` adlandırıb

ABŞ prezidenti Donald Tramp və Şimali Koreya lideri Kim Çen In arasında planlaşdırılan görüş baş tutmaya bilər. Bu barədə ictimaiyyətə Ağ Ev rəhbəri məlumat verib.

Tramp Cənubi Koreya prezidenti Mun Je İnlə görüşdə bildirib ki, 12 iyunda Sinqapurda keçirilməsi nəzərdə tutulan görüşün baş tutması Kim Çen Indan asılıdır.

Birləşmiş Ştatların prezidenti həmçinin deyib ki, Şimali Koreya lideri Çinə səfərindən sonra onun rəftarında dəyişiklik müşahidə edilir. Tramp daha sonra Çin prezidenti Xi Jinpingi "Pokerdə dünya səviyyəli oyunçu" adlandırıb və onun Koreya yarımadasında sülhün tərəfdarı olduğuna ümid etdiyini dilə gətirib./faktxəbər