Meksikanın Sonora və Calisko əyalətlərində aşkarlanan gizli məzarlıqlarda 45 cəsəd tapılıb.
Xezerxeber.az xarici KİV-lərə istinadən xəbər verir ki, cəsədlərin şəxsiyyətinin müəyyənləşdirilməsi üçün işlərə başlanılıb.
Qeyd edək ki, bu il fevralın 13-də Meksikanın Kolima əyalətinin Santa Rosa qəsəbəsində aşkarlanan gizli məzarlarda əlli cəsəd tapılmışdı.
Meksika Daxili İşlər Nazirliyinin açıqlamasında 2018-ci ilin ilk altı ayında ölkədə 15973 cinayətin törədildiyi, bu rəqəmin əvvəlki ilin eyni dövrü ilə müqayisədə 16 faiz artığı bildirilmişdi. Ölkənin İctimai Təhlükəsizlik Şurasının və Cəza Məhkəmə İdarəsinin 2017-ci il üzrə hesabatına görə, dünyanın ən təhlükəli 10 şəhərindən beşi Meksikada yerləşir.