İrlandiyanın "Ryanair”
aviaşirkətinin Belçika, İrlandiya, Almaniya, Niderland və İsveçdəki
pilotlarının elan etdiyi kütləvi tətil nəticəsində ümumilikdə qitə üzrə
396 uçuş reysi təxirə salınıb. Onlardan 250-si Almaniya xətti üzrədir.
Pilotların etiraz aksiyası təqribən 70 min sərnişinin planlarında ciddi
problemlər yaradıb. Pilotlar iş şəraitinin
yaxşılaşdırılması və əmək haqqlarının qaldırılmasını tələb edirlər.
Onlar bəyan ediblər ki, "Ryanair” aviaşirkətinin biznes risklərini "öz
üzərlərində daşımaq istəmirlər” və zəhmətlərinin ədalətli ödənişini
gözləyirlər.
""Ryanair” aviaşirkəti biletləri 39 avrodan satır
və bir dəfəyə 1,4 milyard avro məbləğində gəlir əldə edir. Aydındır ki,
bu zaman dəyən zərər işçilərə olur.” – deyə, Almaniya pilotlarının
"Vereinigung Cockpit” Həmkarlar İttifaqının nümayəndəsi Bavariya
radiosunun efirində bildirib. O, yaxın vaxtlarda digər etiraz
aksiyalarının olacağını da istisna etməyib.
Qeyd edək ki,
hazırda pilotların maaşları yay vaxtına uyğun hesablanır. Onlar etiraz
tətilini sabah başa vuracaqlarını bəyan ediblər. Lakin əmək haqqları
artırılmasa aksiyanı davam etdirəcəklər. /azvision.az