Yaponiyada 92 min toyuq "quş qripi"nin qurbanı oldu

Yaponiyada yenə "quş qripi" virusu aşkar edilib. 

Bu virus səbəbindən Sikoku adasında Kaqava prefekturasında 92 min toyuq məhv edilib.

Məlumata görə, xəstə toyuqlar bir neçə quşçuluq fermasında aşkar edilib.

Toyuqların məhv edilməsi prosesində 750 adamın, o cümlədən özünümüdafiə qüvvələrinin iştirak etdiyi bildirilir.

Virus aşkar edilən ərazilərdə karantin elan edilib. Ətraf yollarda dezinfeksiya işləri aparılır.

Qeyd edək ki, bu, il başlayandan Yaponiyada ilk "quş qripi" virusunun aşkarlanması faktıdır. (Trend)