Rusiyada 2 nəfərin
ölümündə, qanunsuz silah gəzdirməkdə təqsirli bilinərək beynəlxalq
axtarışa verilən məşhur azərbaycanlı iş adamı, Çerkizov bazarının keçmiş
sahibi Telman İsmayılovun Türkiyədə gizləndiyi deyilir.
Bu barədə "Rossiya 24” kanalı məlumat yayıb.
Qeyd olunub ki, iş adamı Türkiyədə yaxın dostlarının əhatəsindədir.
Məlumatlara görə, Rusiya tərəfi məsələ ilə bağlı Türkiyə rəsmilərinə
sorğu göndərib.
Rusiyanın bəzi mətbuat oqrqanları isə İsmayılovun İsrail və ya Avropada gizləndiyini iddia edir.
Xatırladaq ki, Rusiyada Moskvanın
Basman rayon məhkəməsi azərbaycanlı iş adamı Telman İsmayılovu qətldə
təqsirli bilib. İş adamı iki və daha çox qətlin təşkilində, həmçinin
qeyri-qanuni silah dövriyyəsində ittiham edilib. Telman İsmayılov
beynəlxalq axtarışa verilib.
Telman İsmayılovun vəkili Marina
Rusakova deyib ki, həbslə bağlı məhkəmə qərarı oktyabrın 30-da qəbul
edilib və qərarla əlaqədar apelyasiya şikayəti verilib.