ABŞ YUNESKO-nu tərk edir

ABŞ yaxın günlərdə YUNESKO-dan çıxmasını elan etmək niyyətindədir. Bu barədə Trend xarici mətbuata istinadən məlumat verir.

"Reuters" agentliyinə məsələyə yaxın olan mənbə isə bildirib ki, bu, rəsmi məlumat olmasa da, doğru xəbərdir.

Ötən gün "Foreign Policy" jurnalı yazmışdı ki, YUNESKO-dan çıxmaq barədə qərar vəsaitlərə qənaət edilməsi və ABŞ hakimiyyətinin fikrincə, təşkilatda baş qaldırmış antiisrail fikirlərə etiraz məqsədilə qəbul edilib.

Xatırladaq ki, Birləşmiş Ştatlar 2011-ci ildə Fələstinin təşkilatın sıralarına tamhüquqlu üzv qəbul edilməsindən sonra YUNESKO-nun maliyyələşdirilməsində iştirakdan imtina etmişdi.