Xəzər Xəbər

Sabah 14 minə yaxın şagird buraxılış imtahanı verəcək

Cəmiyyət | 11:59 • 28 İyul 2020
Sabah 14 minə yaxın şagird buraxılış imtahanı verəcək

Sabah Dövlət İmtahan Mərkəzi (DİM) tərəfindən növbəti buraxılış (qəbul) imtahanları keçiriləcək.


DİM-dən xezerxeber.az-a bildirilib ki, imtahanlarda 13 min 809 şagirdin (abituriyentin) iştirakı nəzərdə tutulur.


Kütləviliyin və təmas hallarının qarşısının alınması məqsədilə imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək tövsiyə olunur. Şagirdlər (abituriyentlər) imtahana buraxılış vərəqəsini DİM-in saytından çap edib götürə bilirlər.


İştirakçılar imtahana tibbi maska ilə gəlməli və onlardan düzgün (burun, ağız və çənə nahiyəsini tam örtməklə) istifadə etməlidirlər. Maskanı çıxarmaq qadağandır və bütün proses (buraxılış rejimi, imtahan müddəti, imtahan binasının tərk edilməsi) boyu istifadə olunmalıdır.

Xəbər lenti