Azərbaycanda havanın orta illik temperaturu regiondan asılı olaraq baza dövrünə (1961-1990-cı illər) nisbətən təqribən 0.8-1.90 dərəcə artıb. Atmosfer yağıntılarının orta illik miqdarı isə əsasən azalıb.
Xezerxeber.az-ın xəbərinə görə, bu barədə Azərbaycan Milli Elmlər Akademiyasının (AMEA) Coğrafiya İnstitutunun 2019-cu il üzrə illik hesabatında bildirilir.
Hesabata əsasən, Kür-Araz ovalığının bəzi rayonlarında azalma 12-15% təşkil edib, Abşeron yarımadasında və ondan şimalda yerləşən sahilboyu ərazidə isə o, az da olsa (2-3%) artıb. İlin isti dövründə yağıntıların miqdarı 3-17% azalıb.
İllik temperaturun artım sürəti 134 il ərzində 0.80-1.40 dərəcə olub, onilliklər üzrə isə artım sürəti təqribən 0.10 dərəcə təşkil edib. Atmosfer yağıntıları 125 il ərzində bəzi ərazilərdə azalıb ( Ağstafa – 88mm, Naxçıvan – 7 mm), Gəncədə isə 8 mm artıb.
Aparılmış hesablamalar əsasında 2050-ci ilə qədər havanın temperaturunun və atmosfer yağıntılarının qarşıdakı onilliklər müddətində gözlənilən qiymətləri verilib.
Havanın orta illik temperaturunun vəatmosfer yağıntılarınıngözlənilən qiymətləri
№ | Məntəqə | İllər | |||
1961-1990 (baza dövrü ) | 2030 | 2040 | 2050 | ||
1. | Ağstafa | 12,7 | 13,7 | 13,8 | 14,0 |
2. | Gəncə | 13,4 | 14,5 | 14,6 | 14,7 |
3. | Naxçıvan | 12,9 | 13,2 | 13,3 | 13,5 |
№ | Məntəqə | İllər | |||
1961-1990 (baza dövrü ) | 2030 | 2040 | 2050 | ||
1. | Ağstafa | 363 | 315 | 310 | 300 |
2. | Gəncə | 287 | 270 | 275 | 280 |
3. | Naxçıvan | 220 | 240 | 235 | 230 |