Sahibsiz itlərin insanlara hücum edərək onlara xəsarət yetirməsi halları hələ də problem olaraq qalmaqdadır. Sonuncu dəfə belə hal Qax rayonunda yaşanıb. Sahibsiz it sakinlərə hücum edib və 6 nəfəri yaralayıb. Bu hal sahibsiz itlərin zərərsizləşdirilməsi ilə bağlı məsələni yenidən gündəmə gətirib.
Qeyd edək ki, oxşar problem Xətai rayonu, NZS qəsəbəsində də yaşanır. Burada sahibsiz itlər sürü ilə gəzişir və insanlara hücum edir. Odur ki, sahibsiz itlər sakinlər üçün təhlükə mənbəyinə çevrilib. Sakinlər küçələrdə, həyətlərdə və digər yaşayış mərkəzlərində ciddi təhlükə olan sahibsiz itlərinin hücumundan narahat olduqlarını bildirirlər. Onlar küçə itlərinə görə övladlarının məktəbə gediş-gəlişi ilə bağlı problem yaşadıqlarını qeyd edirlər. Sakinlər xüsusən məktəb yaşlı övladlarından çox narahatdır.
Bununla bağlı videogörüntünü təqdim edirik: