Bığ təkcə yaraşıq vermirmiş — Həm də bu xəstəlikdən qoruyurmuş

Araşdırmalar zamanı məlum olub ki, xarici görünüşə yaraşıq verən bığ həmçinin dodaq xərçənginin qarşısını alırmış.

XəzərXəbər "Ölkə.Az"a istinadla bildirir ki, bu barədə medicalxpress-də məqalə dərc olunub.

Bildirilir ki, Kanzas Universitetinin mütəxəssisləri aktinik keratoz kimi tanınan prekanser vəziyyətdə olan 200 kişini müayinə ediblər.

Aktinik keratoz - dəridə yastıhüceyrə xərçəng adlanan qorxunc xəstəliyə çevrilən qabıqlı ləkədir. Dodaq dərisi incə olduğundan aktinik keratozlar doaqlara daxil ola və dərinin digər yerlərində olan keratozlara nisbətən daha sürətli yayıla bilər.
Alimlər müəyyən ediblər ki, uzun müddət azı 9 mm qalınlıqda bığ saxlayan kişilərdə xərçəng riski, analizdə iştirak edən digər iştirakçılara nisbətən 16 faiz az olub. Alimlər siqaret çəkmə və yaş göstəricilərini də nəzərə aldıqdan sonra da nəticə özünü doğruldub.