Bədəni ağır metallar və toksinlərdən təmizləyən alternativ müalicə üsulu

İldə iki dəfə hacamat (Toksinlərin bədəndən vakum yolu ilə çölə atılması deməkdir) etdirmək bədəni ağır metallar və toksinlər təmizləyir.

Məşhur tibb mütəxəssisi Ender Saraç Ənənəvi Tibb Simpoziumunda hacamatın faydalarından danışıb. O, bildirib ki, hacamat ağır metal və toksinləri azaldıb, bədənin təmizlənməsinə təsir edir. Ender Saraçın sözlərinə görə, ildə iki dəfə hacamat etdirmək xeyirdir.

"Qərb tibbində, xüsusilə texnologiya baxımından böyük irəliləyişlərin olduğunu inkar edə bilmərik. Lakin çin və hind tibbi, ayurveda və ya Uyğur tibbi dünyada minlərlə il ərzində minlərlə insan üzərində tətbiq olunan üsullardır.

Mən özünü inkişaf etdirməyi, heç bir biliyin fatanı olmamağı məsləhət görürəm. Min illərdir ki, insanlara şəfa paylayan bitkilər və otlar var. Dəyişik iynələmə üsulları, masajlar və qoxu ilə müalicə yolları mövcuddur. İnsana özünü daha yaxşı hiss etdirən, daha rahat yuxuya getməsini təmin edən və qanda xoşbəxtlik hormonları olan serotonini artıran, qocalma prosesini gecikdirən sistemlər var. Bu məlumatlara açıq olmaq və bir-biri ilə əlaqə yaratmaq lazımdır.

İldə iki dəfə hacamat etdirməyi təklif edirəm. Bu üsul bədəndə yığılan ağır metal və toksinləri azaldıraq təmizlənməyə kömək edir. Bundan sonra təmizlənmiş bədənimizi sağlam qidalandırmalı və lazım olarsa, vitaminlər qəbul etmək lazımdır. Buradaki ən mühüm sual ənənəvi tibbi kimin həyata keçirməsidir. Təcrübəsi və sertifikatları olan peşəkarlara müraciət etmək insanlar üçün vacibdir”.

Ümumi cərrahiyyə mütəxəssisi, professor Adəm Akçakaya simpoziumda profilaktik tibbdə fitoterapiya müalicəsi haqqında məlumat verib. Professor fitoterapiyanın məqsədlərini belə izah edib:

"Fitoterapiyanın məqsədi bədənin ehtiyacı olduğu qidaları balanslı şəkildə qəbul etməsidir. Bu zaman genetik cəhətdən dəyişdirilmiş, tərkibi ilə oynanılmış və əlavə qatqı maddələrlə doldurulmuş qidalardan uzaq durmalıyıq. Odur ki, mümkün qədər təbii qidalardan istifadə etməliyik. Təbii qidalanma bədəni ətraf-mühitin verdiyi təsirlərdən və toksinlərdən qoruyur, həmçinin ikinci beyin sayılan bağırsaq florasının sağlam olmasını təmin edir.

Bağırsaq florası sağlamlığımızın əsas təminatlarından biridir. Mövsümi meyvələr və tərəvəzlərlə bəslənməliyik. Qışda portağal, yayda isə qarpız yeyəcəyik. İstixana məhsullarını təklif etmirik. Bəzən vitamin həbləri, məsələn, D vitamini və omeqa-3 qəbul etmək lazımdır. Ancaq günəşə çıxmaq və balıq yeməklərinə laqeyd yanaşmamalıyıq. Qidalanma düzgündürsə, heç bir problemimiz olmayacaq”.

Ailə həkimi Süleyman Ersoy isə simpoziumda xəstəliyi müalicə etmək yerinə, xəstəliyin qarşısını ənənəvi müalicə üsulları ilə almaq həm şəxsin özü, həm də dövlət üçün daha ucuz və asan başa gəldiyini qeyd edib./Publika.az