Xəzər Xəbər

Birdəfəlik ödəmə alacaq şəhid vərəsələrinin sayı açıqlandı

Cəmiyyət | 13:14 • 12 Fevral 2019
Birdəfəlik ödəmə alacaq şəhid vərəsələrinin sayı açıqlandı

Şəhid vərəsələrinə birdəfəlik ödəmənin verilməsinə dair Prezident İlham Əliyevin 28 yanvar 2019-cu il tarixli Fərmanı ilə birdəfəlik ödəmə (11 min manat) verilən şəhid vərəsələrinin əhatə dairəsinə 1997-ci ilin avqust ayının 2-dək şəhid olmuş əlavə 2725 nəfərin (o cümlədən vərəsələri 11000 manatdan az sığorta ödənişi almış 2264 şəhid hərbi qulluqçunun və 461 şəhid polisin) vərəsələri də daxil edilib.


Bu barədə Modern.az-ın sorğusuna caab olaraq Əmək və Əhalinin Sosial Müdafiəsi Nazirliyinin (ƏƏSMN) İctimaiyyətlə əlaqələr şöbəsinin müdiri Fazil Talıbov bildirib.


Şöbə müdiri qeyd edib ki, bununla da, vərəsələrinə birdəfəlik ödəmə verilməsi nəzərdə tutulan şəhidlərin sayı 12268-ə çatıb:


"Həmin şəhidlərdən indiyədək artıq 3758 şəhidin 5144 vərəsəsinə birdəfəlik ödəmənin verilməsinə dair qərar qəbul olunub və onlardan 3100 şəhid üzrə 4200 vərəsəyə ödəniş edilib. Birdəfəlik ödəmə verilməsinə dair qərar qəbul olunmuş digər şəhid vərəsələrinə də ödəmələrin yaxın günlərdə həyata keçirilməsi təmin olunacaq”.


F.Talıbovun sözlərinə görə, ümumilikdə 2268 şəhid üzrə vərəsələrin birdəfəlik ödəmə ilə təminatı 2019-cu il ərzində başa çatdırılacaq:


"Şəhid vərəsələrinə birdəfəlik ödəmə verilməsi üçün dövlət büdcəsindən 135 milyon manat vəsait nəzərdə tutulur”.

Xəbər lenti