Culfada normadan artıq yağış, Gəncədə güclü külək – Faktiki hava

Nazirliyin Milli Hidrometeorologiya Departamentindən XəzərXəbər-ə verilən məlumata görə, ölkə ərazisində hava şəraitinin kəskin dəyişməsi nəticəsində Culfa rayonunda və Ordubadın Nülgüt kəndində güclü yağış müşahidə olunub. Düşən yağıntının miqdarı Culfada 30 (aylıq normanın 157 faizi), Ordubadın Nülgüt kəndində isə 28 mm (aylıq normaya yaxın) təşkil edib.

Eyni zamanda qərb küləyinin güclənməsi nəticəsində Gəncədə küləyin ani maksimal sürəti 24 m/san, Şəmkirdə 21 m/san olub.