Qan damarlarının bərpasına kömək edə biləcək yeni hüceyrələr kəşf edilib

İtaliyalı bioloq Alessandro Fantin London Universitet Kollecindən olan həmkarları ilə birlikdə qan damarlarının bərpasına kömək edə biləcək yeni hüceyrələr kəşf edib. Onların bu kəşfinə dair araşdırmaları Britaniyanın "Nature" jurnalında dərc edilib.

Xezerxeber.az AZƏRTAC-a istinadən xəbər verir ki, tədqiqat prosesində siçan embrionlarının kök hüceyrələrindən istifadə edilib və uğurlu alınıb. Hüceyrələri insanlarda tətbiq etmək mümkün olarsa, regenerativ tibbdə bu kəşf ürək-damar xəstəliklərinin müalicəsində istifadə edilə bilər.

Aparılan 11 illik tədqiqatlar qanda dövr edən kök hüceyrələrinin "endotelial” hüceyrələrə çevrilə biləcəyini üzə çıxarıb ki, bu hüceyrələr də qan damarlarını formalaşdıran mühüm hissəciklərdir.