Ölkə üzrə çaylarda sululuq səviyyəsi açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentindən XəzərXəbər-ə verilən məlumata görə, Böyük Qafqazın Quba-Xaçmaz bölgəsi çaylarında sululuq ongünlük normanın 50-70, Kiçik Qafqazın çaylarında 30-70, Lənkəran-Astara bölgəsi çaylarında 60-150, Naxçıvan MR çaylarında isə 5 faizini təşkil edib.
Tranzit
çaylarda hazırki vəziyyətə gəlincə, Kür çayının Qıraqkəsəmən
məntəqəsində suyun səviyyəsində 4 sm azalma müşahidə olunub. Məntəqədə
su sərfi 110 m3/s olmaqla ongünlük normanın 37 faizini təşkil edib.
2017-ci ildə bu rəqəm 110 m3/s olmaqla ongünlük normanın 37 faizini
təşkil edib.
Qanıx çayının Əyriçay məntəqəsində suyun
səviyyəsində dəyişiklik müşahidə olunmayıb. Məntəqədə su sərfi 42,0 m3/s
olmaqla, ongünlük normanın 29 faizini təşkil edib. 2017-ci ildə bu
göstərici 50,0 m3/s təşkil edərək ongünlük normanın 34 faizinə bərabər
olub.
Kür çayının aşağı axınında vəziyyətə gəlincə, Kür çayının
aşağı axınında suyun səviyyəsində əsasən artım müşahidə olunub. Belə ki,
Kür çayının Surra məntəqəsində 21, Şirvanda və Araz çayının Novruzlu
məntəqəsində 12, Bankədə 10 sm artım qeydə alınıb, lakin Salyan məntəqəsində isə suyun səviyyəsində 4 sm azalma müşahidə olunub.
Surra məntəqəsində suyun səviyyəsi 370 sm (2017-ci il iyulun 06-da 332 sm), Şirvanda 213 sm (2017-ci il iyulun 06-da 205 sm), Salyanda
163 sm (2017-ci il iyulun 06-da 137 sm), Bankədə 207 sm (2017-ci il
iyulun 06-da 193 sm), Araz çayının Novruzlu məntəqəsində isə 60 sm
(2017-ci il iyulun 06-da 50 sm) təşkil edib.