Xəzər Xəbər

Nazir: “Ötən il 1200 ailə özünüməşğulluq proqramlarına yönəldilib”

Cəmiyyət | 11:01 • 3 İyul 2018
Nazir: “Ötən il 1200 ailə özünüməşğulluq proqramlarına yönəldilib”

"Ötən il 1200 ailə özünüməşğulluq proqramlarına yönəldilib”


Bunu bu gün Bakıda keçirilən "Azərbaycanda Məşğulluq xidmətinin gücləndirilməsi. "IV hissə Gənclərin Məşğulluğunun Təşviqi üzrə Aktiv Əmək bazarı Siyasətləri" təlimində əmək və əhalinin sosial müdafiəsi naziri Sahil Babayev deyib.

Nazir qeyd edib ki, son 15 ildə Azərbaycanda ÜDM 3,2 dəfə artıb, ölkəyə 230 milyarddan çox investisiya yatırılıb. "Bu gün özəl sektorun payı 80 faizdir. Qeyd edim ki, özəl sektor Azərbaycanda xüsusi yer tutur. Məşğulluq siyasəti tədbirlərinə baxdıqda isə yeni təkliflər ortaya qoyulmalıdır. Biz gənc Azərbaycan tələbələrini peşə yönümündə müxtəlif istiqamətlərə yönləndirməliyik. Bu tipli proqramlar daha da genişləndirilməkdədir. Ötən il 1200 ailə özünüməşğulluq proqramlarına yönəldilib. Bu il üçün bu göstərici 7000-dir. Əlillik haqqında qanunvericilikdə dəyişiklik nəticəsində biz məşğulluq siyasətini genişləndirə bilərik. Bizim qarşımızda duran hədəflər böyükdür. Qarşıda duran hədəflərimiz çoxşaxəli olmalıdır. Bu treninqlər və təlimlər nəticəsində biz yüksək keyfiyyətə nail olacağıq”.

Xəbər lenti