2017-ci ilin 31 dekabr
tarixinə olan rəsmi məlumata əsasən, Azərbaycanda olan və ya yaşayan
əcnəbilərin, vətəndaşlığı olmayan şəxslərin sayı 109129 nəfərdir.
Bu barədə Nazirlər Kabinetinin
2017-ci ildəki fəaliyyəti haqqında hesabatda bildirilib. Qeyd olunub
ki, onlardan 64015-i olduğu yer üzrə qeydiyyat, 26-sı müvəqqəti olma
müddətinin uzadılması, 34079-u müvəqqəti müvəqqəti yaşamaq üçün icazə,
10942-si daimi yaşamaq üçün icazə, 67-si isə qaçqın status ilə ölkə
ərazisində yaşayır.
Həmçinin, 2017-ci il ərzində Dövlət Miqrasiya Xidməti
tərəfindən qanunsuz miqrasiyaya qarşı mübarizə tədbirləri davam
etdirilib, əcnəbi və vətəndaşlığı olmayan şəxslərin Azərbaycan
Respublikasında olma, habelə müvəqqəti və daimi yaşama qaydalarının
pozulması halları aşkar edilərək qarşısı alınıb.