Xəzər Xəbər

Buraxılış imtahanlarının nəticələri açıqlandı

Cəmiyyət | 16:28 • 19 Mart 2018
Buraxılış imtahanlarının nəticələri açıqlandı

Martın 18-də ilk peşə-ixtisas təhsili müəssisələrinin sonuncu sinfində təhsil alan şagirdlər üçün keçirilmiş buraxılış imtahanlarının nəticələri elan olunub.

Dövlət İmtahan Mərkəzinin (DİM) mətbuat xidmətindən XəzərXəbər-ə verilən məlumata görə, imtahan nəticələri bu gündən etibarən Mərkəzin rəsmi internet səhifəsində yerləşdirilib.

Şagirdlər imtahanın nəticələri haqqında məlumatı, həmçinin mobil operatorlar (Azercell, Bakcell, Nar) vasitəsilə "iş nömrəsi”ni 7727 nömrəsinə göndərməklə də öyrənə bilərlər.

İmtahanda iştirakı nəzərdə tutulan 3791 nəfərdən 101 nəfər imtahana gəlməyib, 1 nəfər isə tələb olunan qaydaları pozduğu üçün imtahandan xaric olunub.

İlk peşə-ixtisas təhsili müəssisələrinin buraxılış imtahanlarında Ana dili və riyaziyyat fənlərinin hər biri üzrə ayrılıqda test tapşırıqlarına verdiyi düzgün cavablarının sayı 8‑dən, xarici dil və ya kimya fənnindən 7-dən az olmayan şagirdlər müvəffəq qiymət alırlar.

Xəbər lenti