Naxçıvan Muxtar
Respublikasında miqrasiya proseslərinə dövlət nəzarətinin
gücləndirilməsi, o cümlədən qanunsuz miqrasiyanın qarşısının alınması
məqsədilə Dövlət Miqrasiya Xidməti tərəfindən həyata keçirilən tədbirlər
2017-ci ilin dekabr ayı ərzində də davam etdirilib.
XəzərXəbər-in
məlumatına görə, dekabr ayı ərzində xidmət tərəfindən muxtar
respublikada olma və yaşama qaydalarına əməl etmədən mövcud
qanunvericiliyin tələblərini pozmuş 17 əcnəbi aşkarlanıb.
Onlardan
14-ü barəsində Azərbaycan Respublikası ərazisini 48 saat ərzində
tərketmə, 3-ü barəsində inzibati qaydada ölkə hüdudlarından kənara
çıxarılma qərarı qəbul edilib. Ümumilikdə, ay ərzində Dövlət Miqrasiya Xidmətinə
əcnəbilər və vətəndaşlığı olmayan şəxslər, habelə Azərbaycan
Respublikası vətəndaşları tərəfindən 569 müraciət daxil olub. Bu
müraciətlərdən 75-i əcnəbilərə və vətəndaşlığı olmayan şəxslərə
müvəqqəti yaşamaq üçün icazənin, əmək fəaliyyətinin həyata keçirilməsi
üçün iş icazəsinin verilməsi, eləcə də vətəndaşlıq mənsubiyyətinin
müəyyənləşdirilməsi ilə bağlıdır.
Müraciətlərin hər biri
ayrı-ayrılıqda Azərbaycan Respublikası qanunvericiliyinin tələblərinə
uyğun olaraq araşdırılıb və müvafiq qərarlar qəbul edilib. Dekabr ayı
olduğu yer üzrə qeydiyyatla bağlı 494 müraciət qeydə alınaraq icrası
təmin olunub. Həmin müraciətlərdən 205-i elektron xidmətlər portalı və
elektron poçt üzərindən qəbul edilib.