Bakı Nəqliyyat
Agentliyinin (BNA) "Sürücü Təlim Mərkəzi” MMC "D” və "DE” kateqoriyalı
sürücüləri üçün işə qəbul üçün müsabiqəsini elan edir.
BNA-dan
XəzərXəbər-ə verilən məlumata görə, vakant sürücü vəzifələrini tutmaq istəyən
namizədlər üçün "Sürücü Təlim Mərkəzi”ndə avtobuslarla şəhərdaxili
sərnişin daşımalarını həyata keçirən sürücülərin peşə fəaliyyəti və
davranışı üzrə, bundan əlavə iş və istirahət rejiminin xüsusiyyətlərinə
dair nəzəri və praktiki təlimlər keçiriləcək. Sürücü peşəkarlığını
artırmağa imkan verən təlimi uğurla başa vuran sürücülər müvafiq
daşıyıcı şirkətlər tərəfindən işlə təmin olunacaq. Təlimdə iştirak etmək
üçün aşağıdakı sənədlər tələb olunur:
1. Məhkumluq haqqında arayış (ASAN Xidmətdən);
2. Ümumi tibbi arayış;
3. "D” və’ "DE” kateqoriyalı sürücülük vəsiqəsi;
4. Şəxsiyyət vəsiqəsi.
Məlumatda
bildirilib ki, hazırda paytaxtın marşrut şəbəkəsində çalışan
sürücülərin peşəkarlıq səviyyəsi, davranışı və iş rejimi ilə bağlı
vəziyyət qənaətbəxş səviyyədə deyil. "Bakı
Nəqliyyat Agentliyinin "Sürücü Təlim Mərkəzi” MMC-nin yaradılmasında da
əsas məqsəd, bu sahədə mövcud problemlərin həllinə nail olmaqdır. Çünki
sərnişinlərin rahatlığı və təhlükəsizliyi məhz bu qeyd edilən amillərlə
birbaşa bağlıdır".
Müsabiqədə iştirak etmək istəyənlər
Zığ-Hövsan yolu 1-cu kilometr 1 ünvanında yerləşən "Sürücü Təlim
Mərkəzi” MMC-yə müraciət edə bilərlər.
Əlaqə nömrəsi: (+994) 50 254 11 38