Yanvarın 11-dən 16/15 №-li Naxçıvan-Məşhəd-Naxçıvan beynəlxalq sürət qatarının hərəkəti yenidən bərpa ediləcək.
"Azərbaycan Dəmir Yolları” QSC-dən XəzərXəbər-ə verilən məlumata görə, qatar hər həftənin cümə axşamı günləri Naxçıvandan saat 07:00-da yola düşəcək, cümə günü İran vaxtı ilə saat 14:25-də Məşhədə çatacaq və həmin gün saat 22:00-da geri qayıdaraq bazar günü saat 06:00-da Naxçıvana çatacaq.