"Bu il ərzində nikaha
daxil olmaq üçün 127 173 nəfər müayinədən keçib. Onlardan 3 794
nəfərində talassemiya daşıyıcılığı, 422 nəfərdə sifilis, 103 şəxsdə isə
QİÇS aşkar edilib”
XəzərXəbər-in
məlumatına görə, bu barədə Elmi Tədqiqat Hematologiya və
Transfuziologiya İnstitutunun direktoru Zöhrə Əlimirzəyeva bildirib.
O qeyd edib ki, cari il ərzində ailə həyatı qurmaq istəyən 38 cütlükdə
talassemiya daşıyıcılığı aşkar edilib: "Noyabr ayında 10 738 nəfər
nikaha daxil olmaq üçün müayinədən keçib. Müayinədən keçənlərin 325
nəfərində talassemiya daşıyıcılığı, 18 nəfərdə sifilis, 11 nəfərdə QİÇS
aşkarlanıb. Hər ikisində talassemiya daşıyıcılığı olan cütlüklərin sayı
isə 3 olub".
Z.Əlimirzəyeva əlavə edib ki, bu müddət ərzində 23
hamilə qadında prenatal müayinə aparılıb və onların dünyaya gətirdiyi 6
körpə talassemiya xəstəsi, 13-ü daşıyıcı, 4-ü isə sağlam olub.