Ölkə ərazisində müşahidə edilən qeyri-sabit hava şəraiti oktyabrın 5-dək davam edəcək.
Bu barədə Ekologiya və Təbii Sərvətlər Nazirliyinin Milli Hidrometeorologiya
Departamentinin Hidrometeoroloji Proqnozlar Bürosunun direktor əvəzi
Gülşad Bayramova bildirib.
Onun sözlərinə görə, oktyabrın 5-i gündüz saatlarından hava şəraitinin sabitləşəcəyi, gün ərzində əsasən yağmursuz keçəcəyi gözlənilir.
"Oktyabrın 5-i və 6-ı gün ərzində paytaxtda yağmursuz hava şəraiti gözlənilir. Havanın temperaturu isə bu günlərlə müqayisədə 2-3 dərəcə yüksələcək”.
Qeyd edək ki, ölkə ərazisində 5 gündür yağmurlu hava şəraiti müşahidə edilir.