İmtahanda iştirak edə bilməyən müəllimlər üçün diaqnostik qiymətləndirilmə keçiriləcək

"2014-cü ildən başlayaraq dövlət ümumi təhsil müəssisələrində çalışan müəllimlərin bilik və bacarıqlarının diaqnostik qiymətləndirilməsinə başlanılıb. Azərbaycanda 140 mindən artıq müəllim diaqnostik qiymətləndirmədə iştirak edib”. 

Bunu APA-ya Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib.

O bildirib ki, diaqnostik qiymətləndirmədən keçən müəllimlərin maaşları 35%-dək artıb: "Bu, bütövlükdə pedaqoji ixtisasa sahib olan şəxslərin məvaciblərinin bu illər ərzində ən böyük artımıdır”. 

C. Valehov bu və ya digər səbəbdən diaqnostik qiymətləndirmədə iştirak etməyən müəllimlərin olduğunu xatırladıb. Sektor müdiri qeyd edib ki, Təhsil Nazirliyi sisteminə daxil olan ümumi təhsil müəssisələrinə müəllimlərin işə qəbulu üzrə müsabiqə başa çatdıqdan sonra həmin müəllimlər üçün avqustda diaqnostik qiymətləndirmə keçiriləcək”.