Lerikdə obyekt sahibləri karantin qaydalarını pozub

30.11.2020 17:55

Lerik rayonunda koronavirus (COVID-19) pandemiyasına qarşı mübarizə məqsədilə şəhərin küçə və xiyabanlarında, əhalinin daha çox toplaşdığı ərazilərdə və xidmət obyektlərində növbəti reyd keçirilib.

İki gün davam edən reyd zamanı rayon icra hakimiyyətinin məsul işçiləri, polis əməkdaşları və koronavirus infeksiyası ilə mübarizə məqsədilə rayonda yaradılmış mobil qrupların üzvləri şəhərin küçə və meydanlarında, marketlərdə vətəndaşlarla, satıcılarla, nəqliyyat işçiləri ilə maarifləndirmə söhbətlər apararaq onlara COVID-19 pandemiyası ilə mübarizə məqsədilə Nazirlər Kabineti yanında Operativ Qərargahın qəbul etdiyi qərarlara və qaydalara ciddi əməl olunmasını tövsiyə ediblər.

Diqqətə çatdırılıb ki, hər bir vətəndaşın müəyyən edilmiş tələblərə və qaydalara ciddi şəkildə əməl etməsi, tibbi maska və əlcəklərdən müntəzəm istifadə olunması, vətəndaşlar arasında sosial məsafənin gözlənilməsi vacibdir.

Reyd zamanı, həmçinin 155-ə yaxın ictimai-iaşə, bank, yanacaqdoldurma məntəqəsi və ticarət obyektlərində yoxlamalar aparılıb.

Karantin qaydalarına riayət etməyən obyekt sahibləri və sakinlər barədə qanunamüvafiq tədbirlər görülüb./azertac

Nərmin Məcidli

© xezerxeber.az


204 dəfə oxunub

XƏBƏRLƏR

ÇOX OXUNANLAR