Şirvan şəhər məktəbinin müəllimi IV qrant müsabiqəsinin qalibi olub - Foto

30.11.2020 17:21

Şirvan şəhər M.İsrafilov adına 18 saylı Təbiət-humanitar təmayüllü məktəbin coğrafiya müəllimi Hətəmova Pərvanə Müslüm qızı Azərbaycan Respublikası Təhsil Nazirliyinin Təhsildə İnkişaf və İnnovasiyalar üzrə IV qrant müsabiqəsində iştirak edərək "Lego Lab Oyundan hobbi ilə peşəyə” əyləncəli, praktik, robotiks dərslər layihəsinin qalib olub. Layihə əsasən müəllim və 13-14 yaş səviyyəsini əhatə edən şagirdlər üçün nəzərdə tutulub.

Təhsil Nazirliyiyinin maliyyə dəstəyi ilə reallaşan Təhsildə inkişaf və innovasiyalar üzrə IV qrant müsabiqəsi çərçivəsində "Lego Lab - Oyundan hobbi ilə peşəyə" əyləncəli, praktik robotiks dərslər layihəsinin təlimləri şagirdlər ilə uğurlu keçdi. Layihənin əsas məqsədi texniki yaradıcılıqlarının inkişafı və mühəndislik-texnolojı sistemin təməlinin qoyulmasıdır.

Lego robot dəstlərindən EV3 və onlardan istifadə imkanlarının təlim prosesində veb-kamera vasitəsilə gənc təlimçi Heydərli Sənan tərəfindən çox maraqla təqdim etməsi, tətbiqi, şagirdlərdə proqramlaşdırma mühitinin inkişafı, praktik təcrübə əldəetmə bacarıqları, LEGO MİNDSTORMS EV3 robotik kodlama dərsləri əsasında rəqəmsal sensoru yığmaq bacarıqları, tədris prosesinə informasiya texnologiyalarının inteqrasiyası, şagirdin sistematik düşüncəsinin, məntiqi düşünmə və problemlərə ardıcıl, intensiv olaraq analitik yanaşmanın inkişafına təkan oldu. Gənc təlimçimiz demək olar ki, ətraflı təqdimatları ilə şagirdlərdə təlimlərə yüksək maraq oyada bilib. Robotiks dərslərində uşaqlar sadə və daha mürəkkəb strukturlu (maneəni gör və maneədə dur, cizgi izləyən, cizgidə dur) əmrləri yerinə yetirən robotların proqramlaşdırması fəaliyyətini tam şəkildə izləyib tətbiq etmək fürsətlərini əldə etdilər.

Layihənin davamlılığı pandemiya dövrü bitdikdən sonra qrup şəkilində robotları proqramlaşdırmaqla bərabər, robotların yığılması fürsətləri olacaq. LEGO təhsil uşaqlara sosial bacarıqlarını inkişaf etdirmək və STEAM səyahətlərini erkən başlamağa imkan verməklə həm məktəb, həm də həyat üçün hazırlamağa kömək edir. Karantin rejimindən sonra seçilən 18 müəllim və 36 şagirdin komanda şəklində Legoların tam şəkildə fiziki olaraq qurulmasının virtual olaraq veb-kameradan aydın şəkildə tətbiq etdikləri proqram təminatının necə reallaşmasını izləlmələrinin təmin olunması əsas məqsədlərdən biridir.

Bu layihə müəllimlərin pedaqoji fəaliyyətlərini STEAM əsaslı təşkil etməyə, 6-9-cu sinif şagirdlərinin robototexnika sahəsindəki biliklərinin real sınağı olaraq və eyni zamanda öz karyera qurmaq bacarıqlarını inkişaf etdirmələrinə, iş dünyası ilə sinifdə əldə etdikləri biliklər arasında əlaqə yaradır və karyeraların erkən yaşda gənclər üçün əlçatan olmasını təmin edirlər. Bu layihədə iştirak etdikdən sonra müəllimlər və şagirdlər kodlaşdırma, roqramlaşdırma və mmühəndislik sahələrini araşdıra bilərlər.

Layihə çərçivəsində LEGO Təhsil müəllimlərə bu sahəyə marağı artırmaq üçün aşağıdakı müxtəlif məktəbdənkənar tədbirlər keçirə bilərlər:
• robototexnika klublarının yaradılması;
• proqramlaşdırma bölmələrinin açılması ilə robototexnika dərslərinə cəlb olunan tələbələrin sayının artması;
• bu robototexnika mövzusunda dəyirmi masalar, robotların dizaynı və proqramlaşdırılması üzrə seminarların, vebinarların keçirilməsi ilə bağlı məlumatların və mövzu ilə bağlı materialların təhsil şöbəsində, şəhərin informasiya məkanında, məktəb saytlarında, müəllimlərin şəxsi səhifələrində, layihə saytında yerləşdirilməsi;
• gənc istedadların rəqabət edə biləcəyi və öz təcrübələrini bölüşə biləcəyi müsabiqələrin keçirilməsi;
• şəhərin təhsil təşkilatları arasında Lego-CLASS şəbəkə icmasının yaradılması;
• gələcəkdə robotiks bacarıqlarının inkişaf etdirilməsinə dəstək olaraq ölkə və beynəlxalq robot olimpiadalara qoşulmaq imkanlarının təmin olunması şəraitinin yaradılmasına nail olmaq olar.

Sevinc 














© xezerxeber.az

FOTOQALERIYA






932 dəfə oxunub

XƏBƏRLƏR

26.01.2021 13:02

Sabahın hava proqnozu

ÇOX OXUNANLAR