DİM magistraturaya qəbul olan bakalavrlara müraciət edib

09.07.2020 17:56

Dövlət İmtahan Mərkəzi ali təhsil müəssisələrinin magistratura səviyyəsinə qəbul olan bakalavrlara müraciət edib.

DİM-dən xezerxeber.az-a verilən məlumata görə, bakalavrların qəbul olunduqları təhsil müəssisələrində qeydiyyatı iyulun 15-dək davam edəcək və və bu proses ali təhsil müəssisələri tərəfindən onlayn qaydada həyata keçirilir.

Xatırladaq ki, ali təhsil müəssisələrinin magistratura səviyyəsinə qəbul olanların qeydiyyatı 2020-ci il iyulun 6‑dan başlayıb.

Bakalavrlar qəbul olunduqları ali təhsil müəssisələrinin internet saytlarının müvafiq bölmələrinə daxil olmaqla, qeydiyyat üçün tələb olunan sənədlər və onlayn qeydiyyatın forması ilə tanış ola bilərlər.

Qeyd olunan müddətdə sənədləri təqdim etməyən və onlayn qeydiyyatdan keçməyən bakalavrlar magistratura səviyyəsinə qəbul olunanlar siyahısından xaric ediləcəklər.

© xezerxeber.az


268 dəfə oxunub

XƏBƏRLƏR

ÇOX OXUNANLAR