Halsızlıq və başgicəllənməsi olanların nəzərinə - Koronavirus təhlükəsi...

03.06.2020 12:01

Son günlər Azərbaycanda koronavirusa yoluxma hallarının artdığı müşahidə olunur.

Bəs bu virusa yoluxma hallarını necə müəyyən etmək olar?

Səhiyyə Nazirliyinin baş infeksionisti Cəlal İsayev BAKU.WS-ə açıqlamasında bildirib ki, əgər kimdəsə hansısa narahatlıq müşahidə olunursa, mütləq təcili yardıma müraciət etməlidir.

"Özünü narahat hiss edən şəxs özü həkimə getməsin. Çünki ola bilər ki, həmin şəxsdə virus əlaməti ola bilər və o, təmasda olduğu digər şəxsləri yoluxdura bilər. Həkim çağırışdan sonra gəlir, xəstəni müayinə edir. Əlamətlər olduqda isə analiz götürür.

Heç kim özbaşına, mütəxəssisə müraciət etmədən müalicə olunmamalıdır. Kimsə özündən həkimlik etməməlidir”, - deyə baş infeksionist bildirib.

Cəlal İsayev deyir ki, xəstəliyin əlamətləri hamıda eyni olmur:

"Qusma, ishal, halsızlıq, başgicəllənmə, temperaturun azca qalxması ola bilər.

Bəzən xəstəliyə yoluxan insanlarda həmin əlamətlər olmur. İstənilən bir narahatlıq müşahidə olunduqda mütləq həkimə müraciət etmək lazımdır.

Təcili yardımın koronavirusa görə götürdüyü analizlər pulsuzdur. Bu analizlər dövlət hesabına həyata keçirilir. Özəl xəstəxanalarda COVİD-19 virusuna görə analizlər aparılmır.

Virusa yoluxanların 85 faizə qədərində xəstəlik yüngül keçir. Onların da bir qismində heç bir əlamət büruzə vermir. Həmin şəxslərə daşıyıcı da deyilir”.

© xezerxeber.az


157 dəfə oxunub

XƏBƏRLƏR

ÇOX OXUNANLAR