Bakı
23 C
USD
EUR
1.7000
1.9090
RUB
GBP
0.0260
2.2114
XƏBƏR
ARXİVİ

Təyyarənin salonunda ən rahat yerlər hansılardır?

09.09.2019 12:49

Onun köməyi ilə bort bələdçilərinin məşğul tualetləri fövqəladə hallar zamanı açmaq imkanı var.


"Virgin Australia" aviaşirkətinin bort bələdçiləri "biznes" və "ekonom-klass" salonlarındakı ən yaxşı yerlər barədə söhbət açıblar.

XəzərXəbər AZƏRTAC-a istinadən bildirir ki, Avstraliya hava gəmisinin heyət üzvləri rahat uçuşun bəzi sirlərini açıqlayıb və "Boeing 737-800" laynerinin timsalında təyyarədəki ən yaxşı yerlər barədə məlumatı bölüşüblər. Onların sözlərinə görə, bir çox sərnişinlər laynerin qanadlarına yaxın olan yerləri seçməyə çalışırlar. Bu, burulqanlıqdan yaxa qurtarmaq məqsədilə edilir. Digərləri isə mühərrikin səsindən qaçmaq üçün pilotun kabinəsi ilə yanaşı oturmağa çalışırlar.

Ancaq "ekonom-klass"da bort bələdçiləri ən rahat yer kimi salonun tən ortasında, pəncərə qarşısında yerləşən 19F nömrəli kreslonu göstərirlər. Bu yer əl yükünün qoyulması üçün bir neçə rəfə malikdir. Buna görə də sərnişinin çantasını daha tez qoymaq üçün göyərtəyə tələsik girməsinə ehtiyac yoxdur. Bundan başqa, bu yer pəncərədən gözəl mənzərəni təmin etməklə bərabər, sizi gediş-gəlişə yaxın və ya digər iki sərnişinin ortasında məcburi oturmaqdan da xilas edəcək.

"Biznes-klass"a gəlincə, "Virgin Australia" nümayəndələrinin sözlərinə görə, burada da daha yaxşı yerlər mövcuddur. Sərnişinlərə 2A nömrəli kreslonu seçmələri məsləhət görülür. Prioritet eniş və bütün "biznes-klass" sərnişinləri üçün nəzərdə tutulan baqaja əlavə yerlə yanaşı, bu kreslo birinci sıraya nisbətən bir az xüsusilik təmin edir. Bununla yanaşı, 1 nömrəli sıra tualet və mətbəxin yanında yerləşir ki, bu da xoşagəlməz qoxunun hiss edilməsi kimi narahatlıqları istisna etmir.

Daha bir üstünlük qanadların mane olmadığı illüminatordan açılan gözəl mənzərədir. Bort bələdçiləri qeyd edirlər ki, onların bu "sirləri" bölüşmələrindən digər aviaşirkətlərin sərnişinləri də yararlana bilərlər.

Daha əvvəl Böyük Britaniyanın "The Sun" qəzetinin ekspertləri uçuşu daha rahat edən təyyarədəki bəzi gizli düymələr və funksiyalar barədə danışıblar. Məsələn, gediş-gəlişin yanındakı qoltuqaltı tamamilə hərəkətsiz görünə bilər. Əslində, bu, belə deyil. Onun altında şarnirlə yanaşı kreslonun söykənəcəyində gizli düymə yerləşir ki, onun vasitəsi ilə qoltuqluğu qatlamaq mümkündür. Bu funksiya sizin yerinizi genişləndirəcək və masa aşağı salındıqdan sonra oturacaqdan rahat qalxmağınıza kömək olacaq.

Əgər sizə yatmış sərnişinlərin başaltılarının söykənəcəyindən tutmadan salondan keçmək lazımdırsa, bir çox təyyarələrdə bundan ötrü tutacaqlar quraşdırılıb. Bunlar əl yükü üçün nəzərdə tutulan yuxarı yeşiklərin haşiyəsində yerləşir. Təyyarədə, həmçinin tualetin açılması üçün qəza düyməsi də var. Onun köməyi ilə bort bələdçilərinin məşğul tualetləri fövqəladə hallar zamanı açmaq imkanı var. Əksər hallarda bu düymə "siqaret çəkmək qadağandır" yazısı olan qapağın arxasında yerləşir.


© xezerxeber.az


208 dəfə oxunub

XƏBƏRLƏR

ÇOX OXUNANLAR