Xəbərdarlığa əməl etməyən restoranlara qarşı sərt tədbirlərə başlanılıb - 25 min manat cərimə

08.08.2018 16:39

Bakı şəhərinin inzibati rayonları ərazisində yerləşən ictimai iaşə obyektləri, şadlıq evləri, restoranlar tərəfindən havaya atılan tüstü və qoxuya görə bir müddət əvvəl Ekologiya və Təbii Sərvətlər Nazirliyi tərəfindən obyekt sahiblərinə verilən xəbərdarlığın müddəti artıq başa çatıb.

Nazirlikdən xezerxeber.az-a bildiriblər ki, müasir standartlara cavab verən təmizləyici qurğuların quraşdırılması barədə xəbərdarlığa əməl etməyən ictimai iaşə obyektlərinin sahibləri barəsində sərt tədbirlər görülməyə başlanılıb.

Atmosfer havasının mühafizəsi haqqında qanunvericiliyin tələblərinin pozulmasına görə İnzibati Xətalar Məcəlləsinin 237.2-ci maddəsinə əsasən vəzifəli şəxsin 3500-4500, hüquqi şəxsin 20000-25000 manat məbləğində cərimə olunması nəzərdə tutulur.

Görülən tədbirlərdən sonra eyni vəziyyət davam edəcəyi təqdirdə nazirlik həmin obyektlərin fəaliyyətinin dayandırılması ilə bağlı müvafiq qurumlara müraciət edəcək.

© xezerxeber.az


417 dəfə oxunub

XƏBƏRLƏR

ÇOX OXUNANLAR