Bəzi avtobusların hərəkət sxemi dəyişdi

11.07.2018 12:52

İyul ayının 10-dan 11-nə keçən gecədən etibarən Ukrayna dairəsinin bir hissəsində asfalt-beton örtüyü yenilənməsi işləri ilə əlaqədar ətraf yollarda nəqliyyatın hərəkəti məhdudlaşdırılıb, 21, 44, 60, 62, 132, 104 və 183 nömrəli müntəzəm marşrut xətləri üzrə avtobusların hərəkət sxemində müvəqqəti dəyişiklik edilib.

XəzərXəbər xəbər verir ki, bu barədə Bakı Nəqliyyat Agentliyindən məlumat verilib.

Dəyişikliyə əsasən 21, 44, 60, 132 və 183 nömrəli marşrut xətləri üzrə avtobuslar Gəncə prospekti - Xudu Məmmədov küçəsi, əks istiqamətdə isə Məhəmməd Hadi küçəsi - Xudu Məmmədov küçəsi - Gəncə prospekti ilə hərəkət edəcəklər. 62 və 104 nömrəli müntəzəm marşrut xətti üzrə isə avtobuslar Məhəmməd Hadi küçəsi – Sarayevo küçəsi - Telnov küçəsi - Neapol dairəsi istiqamətində hərəkət edəcəklər.

© xezerxeber.az


90 dəfə oxunub

XƏBƏRLƏR

ÇOX OXUNANLAR