Bu arıqlama dərmanı qadağan edildi - ÖLDÜRÜR!

Rusiyada arıqlamaq üçün nəzərdə tutulmuş dərman preparatının satışını həyata keçirən sayt bağlanıb. Söhbət DNP (Dinitrofenol) preparatından gedir. Rusiya İstehlakçıların Hüquqlarının Müdafiəsi sahəsində Federal Nəzarət Agentliyi bu dərman preparatının ölümcül təhlükəli olduğunu bildirib. Qeyd olunur ki, reklam sayəsində məşhurlaşan arıqladıcı preparat hər hansı bir dərman, qida əlavəsi və ya idman qidası kimi qeydiyyata alınmayıb. Dərmanın tərkibində ağac və parçaların rəngləməsində istifadə olunan rəngləyicilərin olduğu bildirilir. DNP preparatının qəbul oluması zamanı həzm sisteminin pozulması, bədən temperaturunun kəskin artması və dəri zədələnmələri müşahidə edilib. Bundan başqa, ağciyər və beyin şişi nəticəsində ölüm hallarının qeydə alındığı bildirilib.

(Trend)