Malidə 5 yaşındakı albinos qızı anasından oğurlayaraq, başını kəsib amuletlərin hazırlanmasında istifadə ediblər.
"Daily Mail” nəşri xəbər verir ki, hadisə Malinin paytaxtı
Bamakodan 125 kilometr aralıda yreləşən Fana kəndində baş verib. Ana iki
azyaşlı qızı ilə birgə evində yatarkən, silahlı adamlar evə basqın
ediblər. Ana əvvəlcə oğruların arxasınca qaçıb apardıqları azyaşlı
övladını xilas etməyə çalışıb, lakin sonra o biri uşağını qorumaq üçün
evə dönüb.
Oğurlanan 5 yaşlı qızı axtaran kənd sakinləri onu
tapanda dəhşətli mənzərə ilə üzləşiblər. "Biz onu hər yerdə axtardıq və
məscidin arxasında tapdıq. Onun başı yox idi. Kəsilib götürülmüşdü.”-
deyə kənd sakini Umar Diakite bildirib.
Bundan sonra sakinlər
asayiş keçikçilərinin 5 yaşlı uşağın təhlükəsizliyini təmin edə
bilməməsindən qəzəblənərək, kəndin polis məntəqəsini yandırıblar. Qərbi
Afrikadakı albinizmli insanlar assossiasiyası Federasiyasının baş katibi
Mamadu Sissoko bəyan edib ki, bu, ritual və ayinlərin icrası üçün
edilən cinayətdir.
Yerli sakinlər inanır ki, albinos insanların
bədən hissələrindən düzəldilən ritual amuletlər xəstəlikləri müalicə edə
bilir, həmçinin sərvət və uğur gətirir. Mamadu onu da qeyd edib ki, 29
iyulda keçiriləcək seçkilərlə əlaqədar bu tip cinayətlərın sayı daha da
çoxalıb.
Qeyd edək ki, bundan əvvəl Hindistanın Uttar-Pradeş
ştatında da oxşar ayin həyata keçirilmişdi. Nəticədə 35 yaşlı qadın
küllü miqdarda inək peyini altında qalaraq havasızlıqdan ölmüşdü. Yerli şamanlar onu zəhərli ilan dişləməsindən müalicə etmək üçün inək peyinlərinin altına salıblar.
Qeyd
edək ki, albinizm (latın dilindən tərcümədə "alba” - "ağ” deməkdir )
anadangəlmə dəriyə rəng verən piqmentin olmaması ilə xarakterizə olunan,
dəridə melanin (rəng verən zülal) əmələ gətirən melanositlərin
çatışmazlığı və ya olmamasıdır. Nadir rast gəlinən və insanların
marağına səbəb olan xəstəliklərdən biridir. Albinos insanların dərisi,
eyni zamanda saçları, kiprikləri, qaşları ağ rəngdə olur./azvision.az