22 saylı marşrutun sürücülərinin əksəriyyəti işə çıxmaqdan imtina edib

Xezerxeber.az-ın məlumatına görə, sürüclərin işdən imtina etməsi səbəbindən 22 saylı sərnişin avtobusunun hərəkətində gecikmələr yaranıb. Məsələn, bu günə qədər avtobuslar arasında interval 8 dəqiqə idisə, indi bu 20 dəqiqə təşkil edir. Hazırda işləyən az sayda avtobusun sürücüləri deyir ki, əksər sürüclərin işdən imtina etməsinin səbəbi marşrut xəttinin sahibinin ağır şərtləridir: "Müdiriyyət gündəlik 10 manat putyovka pulu verir. Hər gün 30 manat yanacağa, 60 manat isə müdiriyyətə pul veririk. Belə şəraitdə kim işləyər? Kim gəlirsə 2-3 gün işləyir və maşını atıb gedir. Maşınlar yığılıb qalıb orda, sürücü yoxdur. Ona görə də intervalda gecikmə var",-deyə sürücülərdən biri bildirib.