Şəxsiyyət vəsiqələri ilə bağlı yeni rüsumlar təsdiq olundu

23.02.2018 13:51

Azərbaycanda 15 yaşdan aşağı vətəndaşlar üçün şəxsiyyət vəsiqəsinin alınması və dəyişdirilməsinə görə dövlət rüsumu tətbiq olunacaq.

Bununla bağlı Milli Məclis bu gün keçirilən iclasda "Dövlət rüsumları haqqında” qanuna dəyişiklikləri təsdiq edib.

Dəyişikliklərə əsasən, 15 yaşdan aşağı vətəndaşlara şəxsiyyət vəsiqələrinin verilməsi və dəyişdirilməsi üçün rüsumlar aşağıdakı kimi olacaq:

- 10 iş günü ərzində veriləcəyi təqdirdə - 4 manat;
- 3 iş günü ərzində veriləcəyi təqdirdə - 20 manat;
- 1 iş günü ərzində veriləcəyi təqdirdə - 25 manat.

Hazırkı qanunvericiliyə əsasən 15 yaşdan aşağı şəxslər şəxsiyyət vəsiqəsinin alınması və dəyişdirilməsi üçün dövlət rüsumundan azaddır.

Qeyd edək ki, 15 yaşdan yuxarı şəxslər üçün bu rüsumlar müvafiq olaraq 5, 25 və 35 manat təşkil edir. Dəyişikliklər 15 yaşdan yuxarı şəxslərə şamil olunmayacaq.

Dəyişikliklər qəbul olunacağı təqdirdə 2019-cu il yanvarın 1-dən qüvvəyə minəcək.

© xezerxeber.az


891 dəfə oxunub

XƏBƏRLƏR

ÇOX OXUNANLAR