Türkiyə 11 yaşlı bu qızın etdiklərindən danışır: Prezident sarayına dəvət etdi - FOTOLAR

23.10.2017 14:24

Türkiyənin Rizə şəhərində yeni bala vermiş keçini kürəyində daşıyan azyaşlı qız gündəm olub.

Fotoları sosial mediada sürətlə yayılan 11 yaşlı Həmdü Səna Bilgin Türkiyə prezidentinin də diqqətini çəkib.

Rəcəb Tayyib Ərdoğan Həmdü Sənanı 29 oktyabr Cümhuriyyət bayramına dəvət edib.

Həmdü Sənanın ailəsi heyvandarlıqla məşğul olur. Azyaşlının bir anda bu qədər diqqət çəkməsi də məhz onun gündəlik heyvandarlıq fəaliyyətilə bağlıdır.

Bir gün Həmdü Səna heyvanlarla birgə evdən uzaqlaşarkən keçilərdən biri doğur. O, evə qayıdır və məktəb çantasını götürür. Keçinin yeni doğulmuş balasını çantasına qoyur və çantanı çoban itinin belinə bağlayır. Keçini isə kürəyinə alıb və evə aparır. Həmdü Sənanın bu qoçaqlığını 15 yaşlı qardaşı Əli Rəhman lentə alıb.

Azyaşlı qızın fotoları sosial mediada sürətlə yayılıb və böyük bəyənmə sayı toplayıb./publika.az







© xezerxeber.az


3600 dəfə oxunub

XƏBƏRLƏR

19.11.2017 16:43

Lavrov İrəvana gedir

ÇOX OXUNANLAR