Diyetoloq alkoqol və xaşın təsiri haqqında danışdı

03.12.2020 11:55

Yeni növ koronavirusa yoluxanların sayı artmaqda davam edir. Həkimlər ilk gündən infeksiyadan qorunmağın ən əsas yolunun immunitet sistemini gücləndirməkdən keçdiyini vurğulayırlar. Hesablamalara görə, dünya əhalisinin 15 faizi immunitet zəifliyindən əziyyət çəkir. Mövsümi xəstəliklərin və pandemiyanın yayıldığı bir vaxtda immun sistemini gücləndirmək üçün hansı qidaları qəbul etməliyik?

Bu barədə Xezerxeber.az-a danışan həkim-diyetoloq Leyla Zülfüqarlı qeyd edib ki, insanlar sink dəyəri yüksək olan qidalar qəbul etməlidirlər. "Ən çox məsləhət gördüyüm qidalar tərkibində, B və C vitaminlərini özündə ehtiva edən qidalardır. Buraya balıq, müxtəlif şorbalar, çərəz və tərəvəzlər daxildir. Mayelərdən isə insanların bitki çaylarına üstünlük vermələrini tövsiyə edirəm. Lap gözəl olardı ki, çaylara ədviyyatlar əlavə edilsin".

O bildirib ki, bəzi insanlar bu mövsümdə xaşın və alkoqolun hər dərdə dərman olduğunu düşünürlər: "Alkoqolun zərəri haqqında daim danışmışıq. Spirt orqanizmə daxil olandan sonra qlükozaya çevrilir və metobalizmin sürətini zəiflədir. Maddələr mübadiləsi zəiflədikdə ağciyərlərin və digər orqanların çalışma sürəti aşağı düşür".

Həkim-diyetoloqun sözlərinə görə, xaş kalori dəyəri yüksək olan, tərkibində vitamin D-ni ehtiva edən bir qidadır: "Soyuq aylarda xaş maksimum həftədə bir dəfə qəbul edilə bilər”.
Leyla Zülfüqarlı onu da əlavə edib ki, immun sistemini gücləndirən insanlar koronavirusa yoluxan insanlarla təmasda olsalar belə bu xəstəliyə yoluxmurlar.

Nərmin Məcidli

© xezerxeber.az


1288 dəfə oxunub

XƏBƏRLƏR

ÇOX OXUNANLAR