Sülh razılaşması: Naxçıvana dəhliz açılacaq? - Azərbaycanın siyasi həmləsi...

20.10.2020 13:17

"Laçın dəhlizi baza prinsiplərinin tərkib hissəsidir. Amma baza prinsiplərində təkcə Laçın dəhlizi deyil, bütün kommunikasiyalar, həmçinin Azərbaycanın əsas hissəsi ilə Naxçıvan arasında dəhliz də nəzərdə tutulur”.

Bu sözləri sabiq Xarici İşlər naziri, politoloq Tofiq Zülfüqarov işğal altında olan ərazilər azad olunduqdan sonra Ermənistanın istifadəsi üçün Laçın dəhlizinin açıq saxlanılması ilə bağlı danışarkən deyib.

"Prezident İlham Əliyev Rusiyanın TASS informasiya agentliyinə müsahibəsində bu məsələ ilə bağlı ətraflı və dəqiq izah verdi. Düşünürəm ki, bu haqda hələ danışmaq, şərh vermək tezdir. Təklif edirəm ki, bu məsələdə bir az gözləyək. Çünki prezidentin də qeyd etdiyi kimi, geniş şəkildə müzakirə üçün əvvəlcə Ermənistanın işğalçı ordusu Dağlıq Qarabağı tərk etsin. Bundan sonra hansısa məsələləri müzakirə etmək olar. Amma ümumilikdə onu qeyd edim ki, hər bir sülh sazişində bölgədə kommunikasiyaların açılması, blokadaların aradan qaldırılması nəzərdə tutulur”, - deyə o bildirib.

Redaktor.az

© xezerxeber.az


861 dəfə oxunub

XƏBƏRLƏR

ÇOX OXUNANLAR