Müəllimlərin işə qəbulu imtahanından narazılıq var - VİDEO

13.07.2019 20:39

Müəllimlərin işə qəbulu imtahanından sonra sualların cavabları təfərrüatlı şəkildə təqdim olunmadığına görə namizədlər hansı sualı düz və ya səhv cavablandırdıqlarını müəyyən edə bilmirlər.

Xezerxeber.az-ın məlumatına görə, bunu Təhsil Nazirliyinin keçirdiyi müəllimlərin işə qəbulu imtahanında iştirak edən namizədlər deyirlər. Namizədlərin sözlərinə görə, nəticələrin müfəssəl təqdim olunmaması onlarda imtahanın şəffaf keçirilməsinə olan inamı azaldır.

İmtahan zamanı namizədlərin qarşılaşdıqları problemlərdən biri də cavabların işarələnməsi zamanı sual və cavabların qəfil başqa variantla əvəzlənməsi olub.

Məsələyə Təhsil Nazirliyi də münasibət bildirib. Nazirliyin nəzdində Təhsil İşçilərinin Peşəkar İnkişafı İnstitutunun İnsan Resursları Mərkəzinin müdiri Murad Camalzadə bildirib ki, namizədlər sualların cavablarına təfərrüatlı şəkildə ancaq apellyasiya şikayəti verərək baxa bilərlər.

Nazirliyin nümayəndəsi cavabların təfərrüatlı təqdim edilməməsinin bir səbəbinin isə həmin sualların növbəti imtahanlarda istifadə olunması ilə izah edir. Texniki problemə gəldikdə isə, nazirlik rəsmisi şikayətlərdən sonra imtahan sisteminin yenidən yoxlanıldığını deyib.

Nazirlik rəsmisi onu da qeyd edib ki, Dövlət İmtahan Mərkəzinin keçirdiyi qəbul imtahanlarında cavab kartının göstərilməsi həmin imtahanların pullu olması ilə bağlıdır. İmtahanların keçirilməsi ilə bağlı toplanan vəsait yeni sualların hazırlanmasına sərf olunur. Ancaq Təhsil Nazirliyində əlavə vəsait olmadığından imtahan sualları yenilənmədən təqdim olunur. Ümumilikdə, imtahanlarda 2280 sualdan istifadə olunur.

Xezerxeber.az mövzu ilə bağlı daha ətraflı videomaterialı təqdim edir:


© xezerxeber.az

FOTOQALERIYA






410 dəfə oxunub

XƏBƏRLƏR

24.08.2019 12:05

Qəbələdə ev yanıb

ÇOX OXUNANLAR