FHN: Qubada çaya aşan ekskavatorun sürücüsünün axtarışları davam etdirilir

11.02.2019 12:18

Fevralın 7-də Quba rayonunun Vəlvələ kəndi yaxınlığında Vəlvələçayın sahilində aparılan qazıntı işləri (qum-çınqıl karxanası) zamanı ekskavatorun aşması nəticəsində suya düşən 1978-ci il təvəllüdlü Qasımov Vüqar Eyvaz oğlunun axtarışları davam etdirilir.

Fövqəladə Hallar Nazirliyindən xezerxeber.az-a bildiriblər ki, axtarışlara nazirliyin Şimal Regional Mərkəzinin xilasediciləri, Kiçikhəcmli Gəmilərə Nəzarət və Sularda Xilasetmə Dövlət Xidmətinin və Xüsusi Riskli Xilasetmə Xidmətinin dalğıc-axtarış qrupları cəlb olunub. Qazıntı işləri nəticəsində yaranan su hövzəsində (dərinliyi 12-15 metr) suyun səviyyəsinin azaldılması məqsədilə "Körpü-Bina-Tikinti” MMC tərəfindən su çəkmə işləri həyata keçirilir. Axtarış işləri barədə əlavə məlumat veriləcək.

© xezerxeber.az


493 dəfə oxunub

XƏBƏRLƏR

ÇOX OXUNANLAR