Bakıda yoxa çıxan 28 yaşlı qadın tapıldı - VİDEO

01.12.2017 14:15

Bakının Qaradağ rayonunda itkin düşən gəlin tapılıb.

Bu barədə Trend-ə Qaradağ rayon Polis İdarəsinin 11-ci Polis Bölməsindən məlumat verilib.

Məlumatda bildirilir ki, noyabrın 28-də Bakının Qaradağ rayonunda qonaq gəldiyi ata evindən çıxan 28 yaşlı Şahnaz Cavadova Balakən rayonuna gedib: "Məlumat daxil olan kimi əməliyyat-axtarış tədbirlərinə başlanılıb. Noyabrın 30-da qadının həyat yoldaşı bizə müraciət edərək bildirdi ki, gəlin başqa bir telefonla ona zəng vurub bildirib ki, o sağdır və Balakən rayonundadır. Gəlin həyat yoldaşına deyib ki, polisdən şəkilləri yığışdırsın. Bildirib ki, öz xoşu ilə Balakən rayonuna gəlib və onunla bir yerdə yaşamaq istəmir. Məlumat daxil olan kimi həmin nömrəyə dəfələrlə zəng vursaq da, telefona cavab verən yoxdur. Hazırda əməliyyat davam edir".

Xatırladaq ki, noyabrın 28-də Qaradağ rayon sakini, 1989-cu il təvəllüdlü Ş.Cavadova Qaradağ rayonunda atasının evindən çıxıb və bir daha geri qayıtmayıb.

Qeyd edək ki, ötən gün Xəzər TV bu hadisə ilə bağlı xəbər yaymışdı.

Həmin məlumatı təqdim edirik: 


© xezerxeber.az


3082 dəfə oxunub

XƏBƏRLƏR

ÇOX OXUNANLAR