"Çernobıl" serialı TƏŞVİŞ YARATDI - Ölkədə dərman satışları REKORD QIRDI

19.06.2019 16:41

Amerikanın HBO telekanalının ərsəyə gətirdiyi "Çernobıl" serialı Norveçdə dərman satışlarını artırıb.

Bu barədə Norveç Əczaçılıq Birliyi inofrmasiya yayıb.

Məlumata görə, serialın yayımlanmasından 5 həftə sonra ölkə miqyasında "Jodix" yod tabletlərinin satışı ikiqat artıb.

Norveç Nüvə Təhlükəsizliyi və Radiyasiyadan Qorunma Direktorluğunda fövqəladə vəziyyətlərə hazırlıq alayının idarəçisi Astrid Liland qeyd edib ki, serial Norveçdə nüvə təhlükəsizliyi məsələsinə diqqəti artırıb: "Serial bizə işlərin bir anda əksinə gedə biləcəyini xatırladır. Bənzər qəzaların yaşanması ehtimalı aşağı olsa da, insanlar hazır olmalıdır. Norveçin nə qədər təsir görəcəyi qəzanın harada baş verəcəyinə bağlıdır. Ancaq yod tabletlərinin ehtiyatda olması yenə də əhəmiyyətlidir".

Liland İspaniya və Fransa kimi nüvə reaktorlarına malik ölkələrə səyahətə gedən insanlara tövsiyə edib ki, mütləq çantalarında yod tabletləri olsun.

Məlumat üçün bildirək ki, yod tabletləri radioaktiv yodun tiroiddə (qalxanabənzər vəzi) yığılmasının qarşısını alır. Yod tabletləri nüvə radiyasiyasının yayılmasından bir neçə saat sonra qəbul edilməlidir.

Mütəxəssislər 40 yaşdan aşağı insanlara fövqəladə vəziyyətlər üçün yod tabletləri almağı tövsiyə edir.(publika.az)

© xezerxeber.az


264 dəfə oxunub

XƏBƏRLƏR

ÇOX OXUNANLAR