SOCAR məşəldə yandırılan qazın həcminin azaldılması üzrə partnyorlarla uğurla əməkdaşlıq edir

15.07.2020 18:02

İyulun 14-də Dünya Bankının "Səmt Qazının Yandırılmasının Azaldılması üzrə Qlobal Tərəfdaşlıq” (GGFR) Təşkilatının 2019-cu il ərzində görülən işlər üzrə hesabatının müzakirəsi üçün Rəhbər Komitənin onlayn formatda görüşü keçirilib. Tədbirdə dünyanın 20-dan çox beynəlxalq neft-qaz şirkətindən və təşkilatlardan nümayəndələr iştirak ediblər. Toplantıda açılış nitqi edən GGFR-in layihə meneceri Zubin Bamji görülən işlər üzrə 2019-cu il hesabatı ilə əlaqədar geniş məlumat verib.

SOCAR-dan xezerxeber.az-a bildirilib ki, tədbirdə şirkət tərəfindən iştirak edən ekologiya üzrə vitse-prezident, Rəhbər Komitənin üzvü Rəfiqə Hüseynzadə öz çıxışında deyib: "Hesabat geniş və dolğun materiallar əsasında tərtib olunub və orada 2019-cu il ərzində görüllən işlər haqqında ətraflı məlumatlar verilib. Bu hesabatda digər işlərlə yanaşı, SOCAR-ın həyata keçirdiyi layihələr də öz əksini tapıb. Hesabatın təfərrüatlı işlənib hazırlanması onun müsbət dəyərləndirilməsinə imkan verir”.

Bundan başqa, R.Hüseynzadə iştirakçıların nəzərinə çatdırıb ki, hazırda SOCAR bu istiqamətdə işləri yerli və beynəlxalq partnyorlarla birlikdə uğurla davam etdirir. Xüsusilə məşəldə yandırılan qazın həcminin azaldılması məqsədilə SOCAR və "BP Azerbaijan” şirkətinin birgə əməkdaşlığı, "Azəri-Çıraq-Günəşli” yataqlarında və Səngəçal terminalı üzrə əldə olunan müsbət nəticələr haqqında görüş iştirakçılarına məlumat verilib.

Toplantıda çıxış edən digər nümayəndələr qeyd ediblər ki, səmt qazının azaldılması istiqamətində görülən işlərin daha effektivliyi üçün yeni texnologiyaların tətbiqi uğura doğru addımdır və onun gələcəkdə həyata keçirilməsi mühüm əhəmiyyət kəsb edir. Həyata keçirilən layihələr və əldə olunan nəticələrə əsasən Azərbaycanın "Sıfır karbon hədəfi”nə ("Net-Zero səviyyəsi”) çatacaq ilk ölkə olacağı toplantı iştirakçıları tərəfindən vurğulanıb.

SOCAR qlobal istiləşmə və iqlim dəyişmələrinə təsirin azaldılması istiqamətində Dünya Bankının GGFR Təşkilatı ilə 2008-ci ildə əməkdaşlığa başlayıbr. Son 12 il ərzində qarşılıqlı məhsuldar iş birliyinin nəticəsi olaraq, 2012-ci və 2015-ci illərdə "Səmt qazının yandırılmasının azaldılması istiqamətində olan layihələr” nominasiyasında SOCAR-ın təqdim etdiyi layihələr Dünya Bankı və GGFR Təşkilatı tərəfindən yüksək qiymətləndirilib və SOCAR "Award Exellence”-"Ali mükafat”larına layiq görülüb. Belə ki, bu layihələrin icrası nəticəsində 20 il ərzində atmosferə atılan gündəlik 1 milyon kubmetr aşağı təzyiqli səmt qazının dəniz platformasında tutularaq istehlakçıya ötürülməsinə başlayıb.

© xezerxeber.az

FOTOQALERIYA






300 dəfə oxunub

XƏBƏRLƏR

ÇOX OXUNANLAR